Høydalsmo om vinteren

Om

Høydalsmo ved E134 er innfallsporten til Tokke. Bygda har eit entusiastisk skimiljø og kan skilte med ein topp moderne langrennsarena og Telemark hoppanlegg Huka. Høydalsmo IL har eit moderne løypenett på 2,5 km, 3 km, 5 km og 10 km. Løypenettet vart modernisert til NM i 2002 og Høydalsmo IL har seinare stått for både World Cup-renn og andre storarrangement. Startområdet for løypenettet er ved skistadion ved Høydalsmo skule. Det flotte og populære skiområdet Skinan på Grønliheia mellom Høydalsmo og Åmot er ein del av løypenettet i Høydalsmo 
For løyepestatus sjå https://loyper.net/#hoydalsmo/13,8.14877,59.50802

Skianlegget på Oftejordet er eit gratis tilbod til alle som ynskjer å drive med skileik. Hopp, railar, skogsløype og moro byr området på, her blir det også arrangert Oftejordet Challenge kvart år. 

Telemark Hoppanlegg Huka (http://hoydalsmo.no/huka/huka.htm), ein snøsikker 90-meters bakke. Anlegget har 4 bakkar med K10 -  K18 -  K28 og storbakken med hill size 94 meter. Huka vart ferdig i 1993 og modernisert til NM i 2002. Bakkerekord er 98 meter sett av Anders Bardal.