Nye Sjodar | Fragaria Vesca: «Olav Kiellands 7 slåttar for hardingfele»

Om

Tor Johan Bøen & Fragaria Vesca: «Olav Kiellands 7 slåttar for hardingfele»
Sundag 4. mai 2025
Nye Sjodar, Evju bygdetun
Konsertstart kl. 19.00
Billettpris 265,-

Komponisten og dirigenten Olav Kielland (1901-1985) flytta til Bø i Telemark kring 1941 for å studere hardingfeleslåttane i Telemark. To av hans inspirasjonskjelder og kollegaer var Eivind Groven og Torkjell Haugerud. Kielland ynskte å utvikle eit personleg autentisk tonespråk basert på folkemusikkens harmonikk, motiv og rytme. I Telemark studerte han òg språket og folkekulturen. Studiane prega gradvis Kiellands tonespråk, og verket «7 slåttar for hardingfele», komponert i perioden 1943–53, blei eit originalt resultat av dette arbeidet. Hardingfela pregar Kiellands musikk på same måte som gamelan pregar indonesisk musikk, og koto pregar japansk musikk. Kielland brukar dei tradisjonelle danseformene gangar, springar og halling. Slåttane sine former, musikalske motiv og tema er originale. Hans kammermusikk for strykarar blei prega av slåttestudia hans og inneheld eigne motiv, tema og modal harmonikk med referansar til 7 slåttar for hardingfele. I denne konserten får me høyre Tor Johan Bøen hans strykekvartett Fragaria Vesca framføre verket i si heilskap.

I hyggeleg samarbeid med Norsjø kammermusikkfest.

Tor Johan Bøen – fiolin/hardingfele 
Inga Gorset – fiolin
Bénédicte Royer – bratsj 
Benjamin Lund Tomter – cello