Nye Sjodar | Per Anders & Ingvill Marit Buen Garnås: "Salme, segn & solbøn"

Om

Per Anders & Ingvill Marit Buen Garnås: «Salme, segn og solbøn»
Sundag 6. april 2025
Nye Sjodar, Evju bygdetun
Konsertstart kl. 19.00
Billettpris 265,-

Gjennom tidene har religiøse rørsler sett sine spor på norsk folkemusikk og den munnlege tradisjonen. Førkristne og katolske motiv har blanda seg og overlevd i songar og sagn, også etter reformasjonen. Salmar og møtehus-songar blei gradvis integrert i folkesongtradisjonen, ofte på bekostning av eldre stoff. Folkesong og felespel blei stundom sett på som synd, og det finst forteljingar om dette.

Søskena Ingvill Marit og Per Anders Buen Garnås tilhøyrer ein levande folkemusikktradisjon. Deira familiehistorie går tilbake til 1700-talet, og dei kjenner godt korleis religiøse konfliktar har påverka tradisjonen. Folkloristar som Landstad og Lindeman skreiv ned songar frå familien. Plata «Salme, segn og solbøn» kom ut i 2010 og vart nominert til Spellemann. Salmane på albumet er i tradisjon etter tipp-tipp-oldefar Knut H. Hovde frå Tuddal, som var med i Hans Nielsen Hauges religiøse rørsle, men song på ein folkesongar sin måte. Ingvill Marit og Per Anders har eit breitt repertoar frå ulike tradisjonar i Telemark, og albumet deira fokuserer på religion og overtru. I denne konserten vil publikum få høyre solbøner, salmar, folkeviser og forteljingar om mystikk, tru og tvil – alt nydeleg formidla av Per Anders og Ingvill Marit.
Per Anders Buen Garnås – hardingfele
Ingvill Marit Buen Garnås –  vokal