Følg oss...

Skulptur og biletkunst

Du er her: Arven vår Skulptur og biletkunst

Skulptur og biletkunst

Øvre Telemark har inspirert mange store kunstnarar, frå nasjonalromantikken fram til i dag.
Ingen annan region i Noreg har dessutan fostra så mange bilethoggarar som Vest-Telemark. Les meir om dei her.
Dei fire viktigaste er representert ved våre museum:

Henrik Sørensen og Harald Kihle

Gjennom 40 år var målaren og «kunstnarhøvdingen» Henrik Sørensen på Smørklepp i Vinje kvar einaste sommar og måla. På Smørklepp finn du difor det eine av to Sørensen-galleri i Noreg. Her er også måleri av hans elev og ven Harald Kihle.
Gunnar Utsond

Gunnar Utsond frå Kviteseid har ei dramatisk livshistorie. Han henta naturalismen til Noreg, skapte Noregs mest kjende symbolistiske skulptur, «Helhesten», og blei vår første skulpturprofessor. Likevel blei han underkjent som kunstnar.
Anne Grimdalen

Anne Grimdalen frå Skafså blei kalla «Eventyrjenta i norsk bilethoggarkunst». Ho vaks opp i enkle kår på ein fjellgard som i dag er museum. Anne er mest kjend for barne- og dyreskulpturar, og for utsmykkinga av Oslo Rådhus.
Dyre Vaa og Tor Vaa

Dyre Vaa frå Kviteseid er etter Gustav Vigeland kunstnaren som har prega norsk skulpturmiljø mest. Ingen har vunne fleire tevlingar. 250 skulpturar og kanskje 1000 måleri står att etter han. Også sonen hans Tor var ein kjend kunstnar.
Knut Skinnarland

Knut Skinnarland frå Rauland har bl.a. laga store figurar til vestveggen av Nidarosdomen. Det er mange statuar og monument etter han rundt om i Noreg. Han var òg lærar ved Raulandsakademiet.