Seljord Camping

Om

Seljord Camping og badeplass er ein sentrumsnær, familievennleg naturperle. Me har hytter i ulike størrelsar og oppstillingsplassar for telt, vogner og bubilar. Har du hengekøye kan du finne deg ein leirplass i skogen like ved resepsjonen.

Campingen ligg nær RV36, 400m frå E134 og ca 1km frå Seljord sentrum. Campingen og badeplassen er likevel skjerma frå trafikken og er populær blant både turistar og lokale som vil besøke sjøormtårnet eller badestranda. Ved stranda finn du og svaberg og bryggjer for soling og avslapping.

Du kan leige SUP, kano, kajakk, robåt eller pedalbåt for å koma deg ut på vatnet for hygge og fisking. Sandvolleyballbane, bordtennis og stor grillhytte er open for alle.

Seljord Camping er det perfekte utgangspunkt for korte og lengre turar i nærområdet og Telemark  generelt. Fine gåturar i skog og fjell samt sykkelturar, MC-turar eller dagstur med bil; alle startar frå Seljord Camping.

I Seljord Sentrum finn du ein handfull kafear og restaurantar i tillegg til tre daglegvarebutikkar, så det er ingen grunn til å sulte.

Treng du tips til utflukter hjelper me deg meir enn gjerne, bare spør i resepsjonen!

Velkomen til Seljord i hjartet av Telemark!