Draumkvedet - måleri av Karl Erik Harr

Om

Draumkvedet

Det var ein om frå ei fjern tid Moltke Moe opplevde då han for fyrste gong høyrde Draumkvedet sunge av Torbjørg Ripilen ein septemberdag 1890. Torbjørg var fødd og oppvaksen på heigarden Ripilen nordaust for Grimdalen.

Kunstnaren Karl Erik Harr har i sterke bilete atterskapt landskapet i Telemark der Draumkvedet har sitt opphav. Her kan me oppleve ein mørk mellomalder med skogkledde lier og mørke stavkyrkjer.

Opningstider til galleriet på Grimdalstunet

Meir om Draumkvedet og lydinstallasjonen ved Vest-Telemark Museum Eidsborg

Karl Erik Harr

(f.1940) bur og arbeider delar av året på Kjerringøy i Nordland. Han har illustrert mange nordnorske forfattarar frå Petter Dass til Hamsun, frå Arvid Hansen til Halvdan Sivertsen. Han har sjølv skrive fleire bøker om kulturhistoriske emne som dei gamle handelsstadene, kystkulturen, nordnorsk målarkunst, eventyr og segner. Han har smykka ut tre hurtigruter, fleire kyrkjer hotell og skular. Han har stilt ut over heile Noreg, i Europa og i Asia. I Henningsvær har han sitt eige galleri. Karl Erik Harr er ein av landets mest avhaldne biletkunstnarar. Gjennom bileta frå Nord-Noreg har han sett tankar, kjensler og fantasi i sving med det fantastiske nordnorske landskapet og det eventyrlege kystlivet som me kjenner så godt frå litteraturen.

Biletserien til Draumkvedet representerer noko nytt i produksjonen til denne kunstnaren. I staden for Nordland har han atterskapt landskapet i Telemark der Draumkvedet har sitt opphav. I staden for havet og kysten er det dei skogkledde liene og det mørke tømmeret i stavkyrkjene som er ramma om motiva. I staden for Benoni og Rosas optimistiske nybrottstid, er det den mørke mellomalderen som vert skildra. Biletserien vart utgjeven trettanddagen 1997 på J. W. Cappelens forlag.