Foredrag med gamalostbudeia

Om

Velkomen til foredrag med Gamalostbudeia!

Me er så heldige å få besøk av Kristin Glück-Teigland, tidlegare budeie og avløysar. Ho har utdanning innan lokal matkultur, har drive fjellstove og jobba med mat og matkultur i ei årrekke.

Dei siste fem åra har ho via til mjølkeforedling med serleg fokus på norske ystetradisjonar, seterkultur og aktualisering av dette inn mot hippe restaurantar, «fine dining», samt oppskrifter til heimekjøken.

For Kristin er gamalosten sjølve kongen av både norsk ystetradisjon, men også av norsk matkultur generelt. Kvifor og korleis ho har engasjert seg i aktualiseringa av nettopp gamalosten, får du høyre meir om i dette foredraget. 

Kristin er levande engasjert i matkultur, som for ho representerer både tradisjon og innovasjon. Fortid møter framtid, gamalost møter Maaemo. 

Vel møtt til ein liten time med gamalosten, budeia og det magiske pulveret. Etterpå vert det tid til spørsmål og smaksprøver.

Håpar mange finn vegen til Eidsborg denne kvelden.

Inngang kr. 100,-, inkl. kake og kaffi.

Helsing lokalstyret for Vest-Telemark Museum Eidsborg