Selskap og catering

Om

Museumskafeen i Eidsborg har ope kvar dag frå 1. mai til 15. september. Me tar imot bestillingar for grupper, selskap, bryllaup, osb. stort sett heile året.

Me kan tilby catering, og har fleire alternativ til ulike prisar for store og små selskap. Både i Eidsborg og i Morgedal har me eigna lokale for kurs, konferansar, møter og selskap. 

I moderne, ljose lokale med utsikt mot Eidsborg stavkyrkje og bygdetun med bygningar tilbake til 1100-talet, er museumskafeen ei fantastisk ramme for selskap. Maten blir produsera på eige kjøkken, og bruk av lokale råvarer er viktig. På vår meny finn du både tradisjonsmat og nye spennande rettar. 

I kafeen har me småbord eller langbord alt etter kor mange som ynskjer å sitte saman. Me har god kapasitet, og kan ta imot grupper på opptil 100 personar. Me har gode lokale for møter, kurs, konferanser og selskap. Ta kontakt med oss for tilbod.

Merk: Ikkje catering i juli månad. 

Les meir om kaféen i Eidsborg.

Planlegg du bryllaup? 
Den vesle intime stavkyrkja i Eidsborg har husa mange bryllaup. Det vert noko eige med å trø inn i eit bygg med historie 800 år attende i tid. Eidsborg Stavkyrkje ligg ved Vest-Telemark Museum Eidsborg. Museets friluftsanlegg har meir enn 30 gamle bygg. Mange av dei attende til 1100-talet og alle har ei spanande historie å fortelje. Nokre av bygga er mogleg å bruke. Sjarmerande og unike rammer for fotografering er her mange av. Flott uteområde med bl.a. smie, husmannsplass og gapahuk, ein arena for mange ulike aktivitetar.

Museumsbygget rommar flotte utstillingar og ein stor kafé med utsyn til stavkyrkje og bygdetun. Tett ved museet ligg kanalparken med aktivitetar for store og små.

Vest-Telemark Museum har utleige av brurebunad.

5 km frå Eidsborg ligg Dalen og Dalen Hotel - eventyrhotellet. 

28 km frå Eidsborg ligg Morgedal med museet Norsk Skieventyr og Morgedal Hotel

Kafeen på Norsk Skieventyr i Morgedal

Kafédrift i Morgedal har lang tradisjon. Både Morgedal Kro og Sondre Kro var kjende stoppestadar for dei som var køyrande langs tidlegare E76, nå E134. Tradisjonen med eit hyggeleg lokale, god service og heimelaga mat har vore sentralt for kafétilbodet i Morgedal.

Norsk Skieventyr kan ta imot grupper inntil ca. 70 personar, og har eige møterom for opptil 14 personar. 

Du kan ringe direkte til museet på tlf. 35069080, eller skrive e-post til booking@vtm.no   

Meir om kaféen i Morgedal.