Flatdalsøyan

Om

Startpunkt: Nutheim Gjestgiveri

Vegomtale:  Frå Nutheim kan du sykle ned bakkane til Flatdal. Nede på flata etter butikken, kan du ta inn på sykkelvegen langs åmuren på høgre side, fylg skilting med dei grøne sykkelpilene. Du kjem framom idrettsanlegget og badedammen. Vidare utover den flate dalen fylgjer sykkelruta delvis åmuren langs Flatdøla, driftsvegar ute på teigane og fylkesvegen. Ute på Flatdalsøyan, på Nirisøy, kjem du til eit gamalt høysel, som er gjort om til dagsturhytte som er open for alle som er på tur. Her kan du eta nista di, inne i selet i ly for ver og vind eller ute ved bålplassen. Der du kan fyre opp eit bål og kanskje legge litt på grillen. Vatn kan du hente i elva om du går ned den mura steintrappa. Er det sommar, er det fint å bade både her og også fleire stader langs ruta. Vegen går vidare ut til Flatsjå før han svingar tilbake og ut att til fylkesvegen. Du kan velje å sykle denne tilbake, eller ta turen tilbake samme veg som du kom. Sett bort i frå bakkane opp til Nutheim er denne ruta utan stigning